Skráin fyri víkingadagar 2018 tøk

Skráin fyri víkingadagar 2018 í Hovi, er nú tøk.
Til ber at taka hana niður sum pdf og prenta út.
Fyrivarni verður tikið fyri møguligum villum og broytingum.

TRÝS HER “VÍKINGADAGAR 2018”

Nýggja heimasíðu

Gamla heimasíðan sum sæst á myndini vinstrumegin er strikað, nú vit havi fingið nýggja heimasíðu.

Við nýggjari heimasíðu og facebooksíðu ynskir kommunan at koma nærri borgarunum í kommununi og almenninginum annars.

Við nýggju síðuni leggja vit okkum eftir at gera tað lætt og ómakaleyst hjá borgarunum at finna dagførda og týðandi kunning og vitan um tænastur, verkætlanir og kommunala virksemið sum heild.

Í samband við nýggju heimasíðuna hevur kommunan eisini fingið lív á sosialu miðlunum við facebooksíðu. Endamálið við facebooksíðuni er somuleiðis at knýta tættari samband millum kommununa, borgarar og umheimin.

Nýtt búmerki

Samstundis sum kommunan samtykti at fáa nýggja heimasíðu, bleiv samtykt at fáa nýtt búmerki.
Gamla búmerki var uttan litir, og har til var búmerki ikki teldutøkt í

Les meira ...

Fundarfrásøgn frá bygdaráðsfundinum 17. apríl 2018.

Fundarfrásøgn frá bygdaráðsfundinum 17. apríl er løgd út á heimasíðuni.
Fundarfrásøgnin frá bygdaráðsfundinum her.

Hovs Kommuna

Áheitan frá IRF um at øll húsarhald fáa sær ruskstativ

IRF heitir á allar borgarar í limakommununum um at fáa sær ruskstativ til húsarhaldsruskið – til frama fyri bæði umhvørvi og ruskinnsavnarar.

 Reglugerð

• Hav posan í stativi – so fuglur/ketta/rotta ikki kemur at
• Hav stativið sjónligt og hægst 20 metrar frá atkomuvegi
• Hav trygga og ljósa gonguleið til stativið
• Posin má hægst viga 20 kg fullur – lat einki spískt ella hvast í
• Lat stativini standa saman, har fleiri íbúðir eru á somu ogn

Les meira ...

Nýggj tænasta frá Heilsumiðstøðini

Nýggj heimasíða er ment til Heilsumiðstøðina í Vági, sum Hovs, Porkeris, Vágs, og Sumbiar kommuna eiga í felag.

Við nýggju heimasíðuni er ætlanin at Heilsumiðstøðin skal gerast meiri sjónlig og at betra um tænastuna til borgaran.

Heimasíðan er lætt at finna – www.laknarvagur.fo – og einfalda sniðið ger, at hon er løtt at brúka. Heimasiðan hevur innbygt møguleika at samskifta við læknaviðtaluna. Tilber at bíleggja og avlýsa tíðir, umframt at endurnýggja reseptir uppá heiluvág á heimasíðuni.

Les meira ...