Brævatkvøður
Veljarar, ið sambært vallógini lúka treytirnar fyri at nýta brævatkvøðu, kunnu greiða atkvøðu á kommunuskrivstovuni eftir avtalu til og við 25. mars 2026 kl. 16.00.

Atkvøðugreiðsla heima
Tey, íð vegna sjúku ella vantandi førleika ikki kunnu koma á valstaðið, kunnu velja heima til og við dagin fyri valið. Boðað má verða frá til kommunuskrivstovuna tlf. 221355 í seinasta lagi kl. 15.00 henda dagin.

Valkort verða send øllum teimum, ið standa á vallistanum. Veljari, sum ikki fær valkort, ella fær valkort við villum í, eigur at venda sær til kommunuskrivstovuna sum skjótast.