Forsíða

Bygdarráð

Søga

Myndir

Slóðir

Sosialurin skrivar:
Gásin er nummar eitt í Hovi

Tað eru ikki bara leysatíðindi at hovbingar eru teir ivrigastu í Føroyum at hava gás, men hønan er bestumtókti nyttufuglur í Føroyum, vísir ein uppteljing

Tað eru ikki bara leysatíðindi, at av øllum bygdum í Føroyum, er tað Hov, sum er gásabygdin burturav. Í eini uppteljing stendur svart á hvítum, at av øllum bygdum í landinum, er tað í Hovi, at nógv flest gæs eru.

Í sambandi við eina tilbúgvingarætlan í sambandi við tað hóttandi fuglakrímið, hava allar kommunur í landinum fingið álagt at skráseta allar nyttufuglar, sum fólk hava, eitt nú hønur, gæs, dunnur og kalkunir.

Hendan uppgerðin vísir, at í Hovi eru 102 gæs og tað er næstan tvær ferðir so nógv sum í nakrarari aðrari bygd.

Men í Sandavági er gásin eisini vælumtókt, tí har eru 59 gæs og tað er tað tann bygdin, har næstflest gæs eru.

Annars vísir yvirlitið, at hønan er best umtókti nyttufuglur av øllum. Tilsamans eru 1014 hønur skrásettar kring landið, men tað skal ikki nógv til at gásin yvirhálar hana, tí tað eru heilar 977 gæs í landinum. Annars eru 667 dunnur og átta kalkunir. Tvær eru í Hovi og tríggjar í Æðuvík og tríggjar í Søldafjørði. Men í Funningsfjørði er tað enntá eitt húsarhald, sum hevur ein svan.

Tilsamans eru 2667 nyttufuglar skrásettir og tað er í Søldafjørði, at flest fuglar eru, tí har eru 207 fuglar, 109 hønur, 49 gæs og 46 dunnur.
Men eisini hvalbingum og sandvíkingum dámar væl nyttufugl, tí har eru 188 av slagnum, 108 hønur, 45 gæs og 35 dunnur.

Annars ger Heilsufrøðiliga Starvsstovan vart við, at yvirlitið er ikki fullfíggjað, Tí fleiri kommunur hava ikki skrásett nyttufuglarnar
Eitt nú er vert at leggja at tilmerkis, at nógvar stórar kommunur hava enn ikki gjørt vart við seg og í øðrum førum eru uppgerðirnar so ófullfíggjaðar, at tær eru ikki tiknar við. Eitt nú eru hvørki Tórshavnar ella klaksvíkar kommunur við í yvirlitinum og og í Suðuroy mangla enn tær báðar størstu kommunurnar, Vágur og Tvøroyri og Porkeri

Annars sæst alt yvirlitið á hfs.fo, har eisini nógvir upplýsingar um fuglakrím eru at finna.